O congreso universitario sobre Pablo Iglesias, celebrado no Campus de Ferrol e sobre o que xa informamos recentemente, clausurouse onte coa participación dun convidado especial: Alfonso Guerra.
Falar de Pablo Iglesias e de Alfonso Guerra é falar dos valores máis clásicos do socialismo: a defensa dos traballadores e as traballadoras, a defensa da educación pública como un factor de progreso e liberación social ou a loita contra a marxinación.
Lamentablemente, non puidemos estar nesta conferencia, sobre a cal podes atopar información na prensa de hoxe (a foto que reproducimos pertence a Diario de Ferrol). Mais, nos tempos que corren, é especialmente necesario reivindicar figuras como as de Pablo Iglesias e Alfonso Guerra. Se ben o primeiro deixounos hai moitos anos, Guerra continúa co seu labor incansable na defensa da socialdemocracia e dos valores clásicos do socialismo. Nesta liña, é do máis recomendable a web da Fundación Sistema, de cuio patronato é presidente. Nela podes atopar excelentes e reveladores artigos de autores de primeiro nivel como Vicenç Navarro, Josep Borrell, Juan Torres, Carlos Berzosa ou Ana Noguera. Aquí tes o enderezo da páxina:
http://www.fundacionsistema.com