Seguimos coa nosa sección semanal de suxerencias, neste caso recuperando unha vella publicación que pode ser do teu interese.
Un dos libros publicados recentemente polo Concello, o titulado Patrimonio e desenvolvemento local: reflexións e iniciativas no Concello de Cariño, aporta novos datos sobre a machadiña de bronce atopada na praia da Basteira e que actualmente atópase exposta no Museo Arqueolóxico e Histórico do Castelo de San Antón, na cidade da Coruña.
O primeiro estudo sobre esta peza apareceu nunha revista portuguesa no ano 1964. O seu autor é José María Luengo, daquela funcionario na cidade da Coruña, Comisario de Escavacións e un dos artífices da creación do mentado museo; a revista chámase Revista de Guimaraes e o artigo que nos interesa apareceu no número 1974(1-2). Nel ofrécense os primeiros datos formais sobre a peza, descríbense as circunstancias do seu achádego e proporciónase unha tentativa de interpretación da súa función e significado, seguindo os parámetros da época.
Afortunadamente, e seguindo unha tendencia que están a adoptar moitas revistas e institucións, os contidos da Revista de Guimaraes están dixitalizados e son de libre acceso en internet. Por esta razón, a nosa suxerencia da semana adícamola a recuperar esta antiga publicación, probablemente descoñecida para moit@s d@s nos@s lectores/as.
Podes descargar o estudo de Luengo aquí:
http://www.csarmento.uminho.pt/docs/ndat/rg/RG074_06.pdf