Estudos sobre a historia do PSOE na etapa democrática

Share Button

A revista académica Historia Actual Online inclúe no seu número 51 (2020) un dossier titulado Historia del PSOE en democracia, coordinado por Abdón Mateos, catedrático de Historia Contemporánea na Universidad Nacional de Educación a Distancia (UNED) e un dos mellores coñecedores da historia do noso partido.

Mateos, na súa condición de coordinador do dossier, achega un certeiro texto introdutorio no que sitúa os cinco artigos no contexto dos estudos sobre a historia do socialismo español. En particular, destaca a abundancia de traballos centrados en etapas como a II República, a Guerra Civil e a dictadura, mentres que as etapas máis recentes están aínda, como é lóxico, moito menos exploradas. Esta situación confire interese ós cinco traballos que contén este número da revista, a cargo de novos investigadores. Os seus títulos e autores son os seguintes: El PSOE ante la LOAPA. ¿Derecho a la diferencia o igualdad en derechos? (Vega Rodríguez-Flores Parra), La FSA-PSOE en democracia: el SOMA-UGT como correa de transmisión de la corriente guerrista (1979-1993) (Abel González Fernández), El PSOE y el referéndum de la OTAN, 1982-1986 (Javier Soria Pastor), Joaquín Leguina y la “renovación” de los años noventa (David Velázquez Rubio) e Un jacobino irredento: el efímero (y compartido) liderazgo de José Borrell al frente del PSOE, 1998-1999 (Guillermo León Cáceres).

Podes acceder ós artigos aquí.

Esta entrada foi publicada en Actualidade. Garda a ligazón permanente.