O retraso nas obras do corredor costeiro promovido polo actual goberno da Xunta ten importantes implicacións para a economía cariñesa.
Hai que lembrar que a obra contempla unha conexión do futuro corredor con Cariño, concretamente mediante unha estrada de
Aínda que supoña unha explicación detallada, convén facer un repaso das contribucións dos sucesivos gobernos da Xunta ó corredor costeiro:
Goberno do Partido Popular (época Fraga)
– Fixeron o estudo informativo para unha vía rápida.
– Ningún proxecto constructivo iniciado e cinco sen licitar.
– Ningún tramo licitado nin adxudicado.
– Deixaron a Variante de Viveiro sen decidir o seu trazado.
Goberno bipartito (PSOE-BNG)
– Contratáronse e redactáronse os proxectos construtivos.
– Decidíuse o trazado da variante de Viveiro.
– Licitáronse e contratáronse as obras de dous tramos: variante de Ortigueira e Celeiro – San Cibrao.
– Iniciáronse as obras da variante de Ortigueira.
– Modificouse o estudo informativo na maioría dos treitos por motivos de funcionalidade e de afección ambiental.
– Reformuláronse os proxectos para mudar a idea do PP de construír unha vía rápida, para convertela nun corredor de nova xeración, que ten en máis do 60% do seu trazado un terceiro carril.
– Quedou prevista a posibilidade de desdobramento para o futuro inmediato.
– Incorporouse ó proxecto a conexión con Cariño.
Actual Goberno do PP
– Paralización da licitación e da expropiación dos treitos.
– Reducción nun 50 % dos investimentos previstos polo anterior goberno bipartito para o ano 2010.
– Remate das obras previsto para o 2017. Cinco anos perdidos para a Costa Norte de Galicia.
Como pode suporse, o tema continuará dando moito que falar. O Grupo Parlamentario Socialista na Xunta de Galicia xa presentou unha Proposición non de lei para a súa tramitación urxente instando á Xunta a: 1) aprobar nun prazo máximo de tres meses o Decreto de utilidade pública e urxente ocupación dos terreos para a construcción do conxunto dos tramos que restan; e 2) licitar no primeiro semestre de 2010 os tramos restantes na VAC do Norte.
Pola súa parte, o BNG realizou onte unha concentración de protesta na Ponte do Barqueiro.
Mentres tanto, no PP de Cariño seguen coa súa especialidade habitual: calar e obedecer cegamente os dictados dos seus xefes, deixando de lado ó pobo de Cariño. Coma sempre, avanzaremos a pesar do PP.