Hoxe é un 1 de Maio, distinto a calquera outro que viviramos non pasado. En condicións normais hoxe estaríamos nas rúas de Galicia cós compañeiros e compañeiras das organizacións sindicais, defendendo os dereitos d@s traballador@s. O confinamento impide as celebracións reivindicativas do Día Internacional do Traballo, pero nos momentos de crise en que vivimos pola pandemia, a defensa dos dereitos dos e das traballadoras, do emprego digno e da protección social é imprescindible.
Onte pola tarde mantiven unha xuntanza telemática cos secretarios xerais de UXT e CC.OO. con motivo deste primeiro de maio, para salientar a importancia de defender os dereitos dos/as traballador@s e para trasladarlles virtualmente o respaldo dos/as socialistas galeg@s á xornada reivindicativa deste ano, na que se defende un novo modelo económico e social acorde aos dereitos d@s traballador@s.
Este ano non podemos festexar presencialmente esta xornada reivindicativa, así que dende as nosas casas lembraremos o noso compromiso coa xustiza social e poderemos sumarnos nas redes sociais a algunha actividade ou campaña posta en marcha polos sindicatos.
Aperta socialista.
Gonzalo Caballero
Secretario Xeral do PSdeG-PSOE