Este sábado, día 28, celébrase unha das citas máis importantes da vida social cariñesa, a romaría a San Xiao do Trebo. Centos de persoas congregarémonos nas inmediacións do Cabo Ortegal, en torno á capela do mesmo nome, nun entorno natural privilexiado. Non hai previsión de choiva.
Por primeira vez dende
Entre outras novidades, este ano haberá unha Baixada Nocturna, coa que se pretende que, cara a medianoite, @s valentes que aínda se atopen en San Xiao descendan conxuntamente a Cariño; a festa seguirá pola noite nos locais da vila. Por outro lado, o Clube Camper de furgonetas aproveita a ocasión para celebrar en Cariño a súa primeira concentración do ano, participando na romaría e organizando unha mostra durante a mañá do domingo na Praza Roxa.
Agardamos que podas estar esta fin de semana en Cariño. A ocasión mereceo. Se non che resulta posible, desfrutaremos á túa saúde desexando que podas vir o ano vindeiro.