Os alumnos do Instituto de Ensino Secundario Cabo Ortegal, de Cariño, celebran mañá un desfile de moda co obxectivo de recadar fondos para unha viaxe de estudos a Londres, que pretenden levar a cabo no mes de febreiro. Na iniciativa colaboran alumnos e pais, tendas de roupa de Cariño e unha peluquería local.
O desfile terá lugar mañá, domingo día 20, no Auditorio Municipal, ás sete da tarde. O prezo das entradas é de tres euros para adultos e dous euros para nenos.
Dende a nosa páxina web apoiamos rotundamente a iniciativa, animámoste a asistir e desexamos sorte ós nosos estudantes do IES Cabo Ortegal, que representan o futuro do noso Concello.