Trinta anos despois da segregación municipal, Cariño saca a licitación por 240.000 euros a redacción do seu primeiro Plan Especial de Protección e Rehabilitación do Casco Vello (PECV). O documento, que deberá desenvolverse ó longo de catro anos, sentará as bases para a solicitude dunha futura Área de Rehabilitación Integral.
Nas verbas de José Miguel Alonso Pumar, Alcalde de Cariño, trátase dun proxecto que suporá un esforzo económico moi relevante e que, como todas as iniciativas que conlevan complexos trámites burocráticos, non dará os froitos desexados ata pasados uns anos. Polo tanto falamos dun documento fundamental para Cariño, o que require dun notable grao de altura de miras para garantir un futuro sólido.
O casco mariñeiro de Cariño é un dos núcleos tradicionais máis grandes do norte de Galicia, xa que conta cunha superficie superior ás 8 hectáreas (80.000 m2) repartidas nunhas 800 parcelas catastrais, o que supón unha extensión semellante á metade do casco antigo da cidade de Pontevedra. Das case 700 fincas edificadas, practicamente todas están adicadas a vivendas.
A redacción do plan pretende varios obxetivos principais, entre os que cómpre sinalar como fundamentais a conservación e futura rehabilitación das edificacións así como a revitalización económica e social da área afectada. Un aspecto irrenunciable e obrigatorio que contempla a redacción do PECV é a participación no mesmo da cidadanía que vive no propio casco antigo, auténticos protagonistas do proceso, e a quenes se lles facilitará información mediante folletos e paneis explicativos, charlas formativas e informativas, materiais audiovisuais e virtuais ou, de maneira física, coa apertura da oficina de información do PECV.
O Concello de Cariño puxo en marcha o proceso de concurso coa publicación do anuncio de licitación no Boletín Oficial da Provincia (BOP) do día 7 de marzo, abrindo un prazo de 40 días naturais (ata o pasado 16 de abril) para a presentación de ofertas; o tribunal avaliador estará composto por reputados profesionais pertencentes a diferentes administracións, todos eles con experiencia en plans xerais. O orzamento inicial de licitación é de 240.000 euros, repartidos en catro anualidades.
Licencias áxiles e maior seguridade xurídica
Unha vez finalizada a redacción do plan especial, e coa súa entrada en vigor, quedarán definidas con claridade as normas de construcción e rehabilitación de inmobles, o que, ademais de aportar seguridade xurídica aos propietarios que acometan obras de mellora nos mesmos, acurtará notablemente os amplos prazos adicados aos trámites administrativos debido á posibilidade de conceder directamente as licenzas de obra.
Dende o Goberno Municipal enténdese que non é admisible que a día de hoxe cada licenza deba ser aprobada no Pleno municipal, ás veces logo dun período de máis de cinco años de agarda, unha vez o dono da vivenda teña acadado os pertinentes permisos sectoriais por parte da Xunta de Galicia.
Cara unha futura Área de Rehabilitación Integral (ARI): dinamización da economía local, revalorización dos inmobles e fomento do sector inmobiliario
Logo da aprobación do Plan Especial de Rehabilitación do Casco Vello, o Concello de Cariño aspira a acadar a declaración dunha Área de Rehabilitación Integral. Este feito implicaría a posta a disposición dos veciños dun interesante plan de subvencións ao que acollerse para sufragar boa parte dos gastos de mellora das vivendas afectadas.
O paso posterior sería implantar un programa de estímulo económico que fomente a rehabilitación das vivendas, o que suporía unha revalorización das propiedades, relanzar a actividade empresarial dos diferentes sectores vencellados á construción (albanelería, carpintería, pintores, etc…) e unha agardable dinamización do sector inmobiliario.
Máis alá das propiedades privadas, o Concello de Cariño buscará ademais poñer en valor aspectos distintivos e singulares do casco mariñeiro, como son a área arqueolóxica do barrio do Castro, a coñecida como zona dos Atallos ou os espectaculares cantís costeiros dos que penduran algunas das casas.
Trátase, polo tanto, dunha inversión de futuro que procura crear unha dinámica sostible.