http://www.psoecarino.org

O pasado sábado celebráronse nas catro provincias galegas, e na maioría das provincias do resto de España, os congresos provinciais extraordinarios que, entre outros asuntos, elexiron @s delegad@s que estarán presentes no vindeiro Congreso Federal de Sevilla; dito doutro xeito, os membros do partido que, entre outras decisións, terán na súa man a elección d@ vindeir@ Secretari@ Xeral do PSOE.

O panorama foi diferente en cada unha das catro provincias galegas, no que atinxe a número de candidaturas presentadas e a resultados. A Agrupación Socialista de Cariño estivo presente no congreso provincial coruñés con tres militantes, dous en calidade de convidados e o noso Secretario Xeral, José Luis Armada, en calidade de delegado. Na foto, subida a Facebook polo noso compañeiro de Cee Víctor Hugo, podes ver os delegados da comarca de Ortegal durante o congreso.

A provincia da Coruña aporta 19 delegad@s ó Congreso Federal. O sábado presentouse e aprobouse unha candidatura única, na que figuran como representantes da comarca Beatriz Sestayo (Deputada autonómica e Secretaria Xeral en Ferrol), Rafael Fernández Beceiro (ex-concelleiro ferrolán e membro da Executiva na cidade), Valentín González Formoso (Alcalde de As Pontes) e Katy García Blanco (Secretaria Xeral e voceira municipal en Narón).

A candidatura foi apoiada polo 60 % d@s delegad@s, colleitando un 40 % de abstencións e votos nulos. Algún dos promotores afirmou que un resultado deste tipo é normal cando se presenta unha candidatura única. Sen cuestionar esta afirmación, nós queremos engadir que é reflexo dunha militancia crítica, esixente, que desexa que as cousas comecen a facerse de maneira distinta e máis participativa na nova etapa. En calqueira caso, o debate está aberto e o partido ten nas súas mans sentar axiña as bases dun proxecto que o devolva a unha posición hexemónica na sociedade española, da man das políticas socialdemócratas que o país necesita.

Estes días o conxunto da esquerda, e o noso partido en particular, manteñen unha intensa axenda de traballo. Son tempos de análise, de renovación de proxecto, de debates...

Hoxe presentouse na Galería de Sargadelos de Ferrol o libro Cuando sucede lo inesperado. El 15-M y la izquierda. O seu autor é Ferrán Pedret, cofundador do Colectivo Inflexió de Barcelona e Secretario de Movementos Sociais da Executiva Nacional do Partido Socialista de Catalunya. Ademais do autor, participaron no acto de presentación Manuel Cendán, militante socialista e directivo de Fuco Buxán, e Joan Riera, da Editorial Els Llums, que publica o libro.

Mañá venres, ás seis da tarde, Carme Chacón estará no hotel Porta do Camiño de Santiago de Compostela para presentarnos a súa candidatura á Secretaría Xeral do PSOE.

O sábado, como xa anunciamos, a Agrupación Socialista de Cariño estará presente no Congreso Provincial que elexirá @s delegad@s que asistirán ó Congreso Federal de Sevilla entre os días 3 e 5 de febreiro.

O domingo ás 12 da mañá, tamén no hotel Porta do Camiño, en Santiago, será Alfredo Pérez Rubalcaba quen presente a súa candidatura á Secretaría Xeral.

Outras novas interesantes no ámbito editorial son a saída á rúa da séptima edición do libro Hay alternativas. Propuestas para crear empleo y bienestar social en España, da autoría de Vicenç Navarro, Juan Torres e Alberto Garzón. O libro aporta ideas interesantes para o debate no seo da esquerda e para unha saída da crise pola vía socialdemócrata. Podes descargalo gratuitamente aquí:

http://www.attac.es/uploads/Hay-alternativas-web.pdf

Tamén está xa dispoñible na rede o número 31 da revista Razón Socialista. O pasado 28 de decembro informamos aquí da saída da edición en papel, que no mes de febreiro agardamos presentar en Cariño en colaboración coa asociación Fuco Buxán. A versión dixital podes atopala aquí:

http://issuu.com/fucobuxan/docs/fucobuxan_31_bj