Este sábado, 10 de marzo, Día da Clase Traballadora, arranca en Santiago de Compostela o 12 Congreso do PSdeG, no que competirán pola Secretaría Xeral os compañeiros Pachi Vázquez e Elena Espinosa.
Dende outono de 1998 non compiten dúas candidaturas á Secretaría Xeral do PSdeG. Naquel congreso enfrontáronse Emilio Pérez Touriño e Miguel Cortizo, resultando gañador o primeiro. Touriño liderou o partido ata a derrota nas eleccións autonómicas de 2009, trala cal Pachi Vázquez foi elexido Secretario Xeral, nun congreso sen oposición interna. Esta fin de semana prevese un congreso intenso, apaixoante, no que a militancia do PSdeG debemos darlle un pulo á alternativa que imos presentar ó PP de Feijóo nos vindeiros comicios autonómicos. Se o programa transcorre segundo o previsto, o sábado a última hora da tarde saberemos se o partido aposta pola continuidade, coa elección de Pachi Vázquez, ou decide emprender un camiño distinto optando por Espinosa. Na inauguración do Congreso participará o Secretario de Organización do PSOE, Óscar López, mentres que o Secretario Xeral, Alfredo Pérez Rubalcaba, intervirá na Clausura.
A Agrupación Socialista de Cariño estará representada no cónclave con cinco militantes. A condición de Delegado con dereito a voto recae no noso Secretario Xeral, José Luis Armada, segundo decidimos na recente Asamblea. Outr@s catro compañeir@s estarán presentes en calidade de convidad@s.
O xornal