O noso partido celebrou na mañá deste sábado pasado, 18 de outubro, unha reunión do seu Comité Provincial co obxectivo de aprobar o regulamento das eleccións primarias á dirección provincial do partido e do posterior Congreso Extraordinario. Dase así cumprimento ó compromiso contraído polo Secretario Xeral Provincial, Francisco Caamaño, cando un sector do partido negouse a consensuar unha candidatura de delegad@s ó congreso que elexíu en Madrid ó actual líder do PSOE, Pedro Sánchez. As primarias para elexir ó novo líder provincial –Caamaño xa anunciou a súa intención de non concurrir- terán lugar o vindeiro 30 de novembro en tódalas Agrupacións da provincia, coincidindo coa data fixada polo partido para elexir @s candidat@s ás municipais nas cidades e vilas de máis de 20.000 habitantes.
Deste xeito, e por primeira vez na historia do socialismo a nivel estatal, o máximo responsable dunha provincia escóllese mediante o voto directo de toda a militancia. Repítese así un procedemento xa ensaiado para a elección do actual Secretario Xeral do PSdeG, José Ramón Gómez Besteiro, e posteriormente para a elección do Secretario Xeral do PSOE, Pedro Sánchez. Como sucedeu en anteriores ocasións, os resultados das primarias refrendaranse nun Congreso Extraordinario Provincial. A cita neste caso terá lugar o 13 de decembro.
Dende a Agrupación Socialista de Cariño queremos agradecer á Executiva Provincial saínte (na foto), e especialmente ó seu máximo responsable Francisco Caamaño, o traballo realizado nestes algo máis de dous anos. Tiveron que levar as rendas da provincia en momentos particularmente difíciles e tomaron decisións cun espírito integrador e democratizador que certos sectores do partido non quixeron recoñecerlles. Referímonos, por exemplo, ó feito de instaurar a elección d@s coordinadores/as comarcais mediante o voto directo da militancia, incorporando ós responsables electos á Executiva Provincial con voz e voto. A convocatoria deste proceso de primarias para renovar o liderado provincial é outra mostra desta vocación democratizadora. Queremos tamén agradecer e recoñecer o traballo realizado polo noso compañeiro José Miguel Alonso Pumar, que durante este tempo ocupou a Secretaría Provincial de Medio Ambiente. No Comité Provincial, a Agrupación Socialista de Cariño estivo representada ademais polos compañeiros José Luis Armada Castro e Ana Fachal.
Aprobado o regulamento que establece as normas e os prazos deste proceso interno, chega o momento de que @s compañeir@s que teñen a vontade de optar á Secretaría Provincial anuncien a súa decisión e expliquen o seu proxecto á militancia. Para ser proclamado oficialmente candidat@, cada aspirante deberá recoller o aval do 20% como mínimo e do 30% como máximo do total do censo válido de militantes para o proceso.
Dende a Agrupación Socialista de Cariño temos a seguridade de que o socialismo provincial sairá destes comicios internos cun liderado e unha Executiva fortes para afrontar os retos que se presentan por diante, comezando polas municipais de maio de 2015.