Como xa anunciamos hai uns días, este domingo 17 de abril, ás sete e media da tarde, presentamos no Auditorio Municipal a nosa candidatura ás vindeiras eleccións municipais. Aínda que na anterior entrada anunciamos a cita para as seis da tarde, facemos un cambio horario para facilitar a asistencia a un importante partido de fútbol do CD Cariño, no que agardamos estar.
O acto de presentación contará coas intervencións de Antolín Sánchez Presedo, deputado no Parlamento Europeo; de José Luis Armada, Alcalde e candidato; e de varios membros máis da candidatura. Nesta precampaña e campaña queremos introducir algúns cambios con respecto a tódalas anteriores. Ademais, queremos que, máis que nunca, o debate xire en torno a cuestións estrictamente municipais. Por elo, no acto deste domingo escoitaranse principalmente voces cariñesas.
Terás ocasión de coñecer as persoas que compoñen a nosa candidatura, que conta cunha media de idade aínda máis rexuvenecida e con varias incorporacións. Estás convidad@. Non defraudaremos.