En días pasados adicamos senllas entradas a facer un balance do que supuxo o ano 2010 para esta web, tanto en actividade como en número de visitas. Hoxe queremos adicar unhas liñas a anticipar qué agardamos ofrecerche aquí no ano 2011.
Como sabes, 2011 é ano electoral. O domingo 22 de maio terán lugar as Eleccións Municipais nos concellos de toda España. É lóxico prever, polo tanto, que durante os primeiros cinco meses do ano esta páxina adicarase, en boa medida, a facer balance do que está sendo a actual lexislatura, a difundir o proxecto que @s socialistas de Cariño estamos preparando para os vindeiros catro anos e a ofrecer un seguimento de todo o traballo de precampaña e campaña electoral.
Para nós os vindeiros meses teñen, pois, unha significación especial. Somos a principal referencia na política cariñesa. A forza política que gobernou máis tempo en Cariño dende a creación do Concello. A única opción política que mantén unha presencia en internet digna e transparente. Somos, en fin, unha Agrupación Local Socialista que mantivo sempre unha liña de actuación sólida, responsable e coherente. Temos, así pois, plena consciencia de atoparnos ante un novo reto ante o cal queremos seguir respostando cos nosos sinais de identidade.
Nas vindeiras semanas irás atopando aquí información e novidades que agardamos resulten do seu interese. No que atinxe á estructura e contidos da web, temos xa deseñadas tres novas seccións ou tipos de contidos que actualizaremos periodicamente. A primeira delas será unha sección de recomendacións ou suxerencias. Como sabes, é frecuente que recomendemos aquí lecturas, páxinas web, etc. A partir de agora, queremos facelo de xeito máis organizado, frecuente e diversificado, de aí a creación desta sección de suxerencias na que, con periodicidade semanal, iremos recomendando libros, revistas, páxinas web, filmes, documentais, música… Porque non todo quen que ser política!