Como xa vimos informando na web, o vindeiro domingo 21 de novembro, ás 12 da mañá, celébrase en Santiago de Compostela unha manifestación en defensa da sanidade pública e contra a política privatizadora da Xunta de Feijóo. A convocatoria corre a cargo da Plataforma en Defensa da Sanidade Pública, da que forman parte PSOE, BNG, IU, TEGA, tódolos sindicatos maioritarios e un bo número de colectivos sociais.
Sairán autobuses das comarcas de Ferrolterra, Eume e Ortegal para asistir á manifestación. O desprazamento en bus dende o Ortegal está organizado polas agrupacións socialistas da comarca. Se estás interesado/a en asistir, envíanos un email a psoecarino@yahoo.es cos teus datos de contacto (email e/ou teléfono) non máis tarde do xoves 18 de novembro.
Lembrámoste o enderezo do blog da Plataforma para a Área Sanitaria de Ferrol, onde podes atopar moita información de interese sobre a situación do sistema sanitario na nosa comarca:
http://plataformadspferrol.blogspot.com/