Habitualmente, sobre todo a nivel mediático, concíbese a temporalidade no eido da política dun xeito moi semellante ó curso escolar. No verán a actividade parlamentar, sexa a nivel estatal ou autonómico, detense e, en xeral, a actividade política pasa a un segundo plano. Así, consideráse que ocurso político, como o escolar, comeza en setembro.
No ámbito municipal as cousas son algo distintas. Os concellos asumen competencias importantes nos sectores turístico, lúdico-deportivo, festivo, cultural… que supoñen traballo para os seus responsables políticos. No caso de Cariño, as festas de verán, o Ortegal Rock ou a Festa da Caldeirada e da Sardiña Lañada, entre outras actividades, non permiten deterse ós integrantes do Grupo Municipal Socialista. Este ano, como os anteriores, o traballo foi intenso, pero o balance que facemos é moi positivo, especialmente no caso do Ortegal Rock e das Festas de San Bartolo. Dende aquí temos que agradecer a toda a cidadanía cariñesa a súa implicación, así como especialmente ás persoas que colaboran desinteresadamente para que as festas sexan unha realidade.
Se, en certa medida, tamén pode dicirse que o comezo de setembro supón o inicio do curso político no ámbito municipal é porque a atención volta a centrarse noutros temas. Para este outono-inverno agardan realidades e retos importantes, como a apertura da piscina municipal, o Centro de Día e Residencia de Maiores, o Polígono Industrial, as obras do Centro Social de Feás, a reinvidicación do servicio diario de pediatría e outras moitas cuestións das que irás tendo información puntual.
O presente curso político 2010-2011 acollerá ademais as eleccións municipais, no mes de maio do vindeiro ano. Para nós as lexislaturas duran catro anos, polo que o Grupo Municipal Socialista seguirá a traballar a pleno rendemento no Concello ata o último día da lexislatura. Sen embargo, mentiríamos se dixésemos que non imos a preparar as eleccións municipais coa adicación e a antelación que merecen. Despois de ter gañado nas dúas últimas contendas, en 2003 e 2007, traballaremos a reo para manter a condición de forza máis votada en 2011. Avecíñase un curso político apaixoante. Visita asiduamente a nosa páxina e tentaremos que non perdas detalle.
Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies.